ШҚО-да құны 26 млрд теңге болатын майлы дақылдарды қайта өңдеу жобасы іске асырылуда
Шығыс Қазақстан облысы еліміздегі күнбағыс майын өндіру бойынша көшбасшы орында, деп хабарлайды BasAgro.kz.
Май саласы Шығыс Қазақстан облысының агроөнеркәсіптік кешенін дамытудың неғұрлым перспективалы бағыттарының бірі болып табылады және өңделген ауыл шаруашылығы өнімі көлемінің 60% -дан астамын алады.
Өңірде майлы дақылдарды қайта өңдеу саласында 12 кәсіпорын жұмыс істейді, оның ішінде 3-бөтелкедегі дезодорацияланған тазартылған күнбағыс майын өндірумен айналысады. Олармен 255 мың тонна өсімдік майын өндіру қамтамасыз етілді, бұл ҚР бойынша күнбағыс майының жалпы өндірісінің 38%, тазартылған май бойынша 52% құрады. Кәсіпорындардың жүктемесі 68% құрайды.
Өңірде «ALTAI MAI» ЖШС жаңа май экстракциялық зауытының құрылысы аяқталуда. Қуаттылығы күніне 500 тонна майлы дақылдарды қайта өңдеу жөніндегі жобаның құны 26 млрд теңгеден асады.
Бөтелкедегі тазартылған күнбағыс майын өндірудің толық циклі көзделетін кәсіпорынды іске қосу облыс бойынша өсімдік майын өндіру көлемін 2025 жылы 350 мың тоннаға дейін жеткізуге мүмкіндік береді.
2025 жылы өңірде «Алтын Шығыс» ЖШС майды тазарту цехының құрылысы жоспарланған. Жоба сомасы 8 млрд. теңгені құрайды. 2025 жылғы желтоқсанда пайдалануға беру жоспарланған.
Жаңа кәсіпорындарды шикізатпен қамтамасыз ету үшін 2024 жылы күнбағыс, рапс, зығыр және соя егістік алқаптары 13 мың гектарға ұлғайтылып, 223 мың гектарды құрады.
Майлы дақылдардың жалпы жинағы өткен жылдың деңгейіне қарай 67,3 мың тоннаға артып, 423,1 мың тоннаны құрайды деп күтілуде.
«Азық-түлік келісім-шарт корпорациясы» ҰК» АҚ қатысуымен өңірде күнбағыс майын үшжақты форвардтық сатып алу бойынша пилоттық бағдарлама іске асырылуда. Бұл механизм көктемгі егіс жұмыстарын қайта өңдеушілер арқылы жүргізу үшін ауыл шаруашылығы тауарын өндірушілерді қаржыландыруға мүмкіндік береді.
Осы бағдарлама шеңберінде «OskemenAgroProdukt» ЖШС азық-түлік корпорациясы арқылы 91 мың литр (380 тг/л) көлемінде күнбағыс майын жеткізу үшін 34,6 млн.теңге сомасына қаржыландырылды.
Осы бағдарламаға қатысу үшін компания тазарту (дезодорация) цехын және құю желісін іске қосу бойынша 670 млн.теңге сомасына инвестициялық жобаны іске асырады. Цехты іске қосу 2024 жылдың күзіне жоспарланған.
