Айдарбек Сапаров қостанайлық шаруалармен егін жинау науқанының барысын талқылады
Алтынсарин ауданындағы «Олжа Беляевка» ЖШС алаңында 30 ауыл шаруашылығы құрылымының өкілдерімен кездесу өтті, деп хабарлайды BasAgro.kz.
Министр ауа райының қолайсыздығына қарамастан, өңірде егін жинау жақсы қарқынмен жүріп жатқанын атап өтті.
Бүгінгі таңда жоспарланған 4,3 млн гектардан 1,1 млн га жиналды.
Айдарбек Сапаров егін жинау жұмыстарын уақтылы жүргізудің маңыздылығын атап өтіп, фермерлерді егінді сақтау және оның сапалы сақталуын қамтамасыз ету үшін барлық күш-жігерін жұмсауға шақырды.
Ауыл шаруашылығы тауарын өндірушілерді техникамен қамтамасыз ету үшін салалық министрлік жеңілдетілген лизинг бағдарламасын әзірледі, нәтижесінде шаруалар қажетті техникамен жарақтандыру қарқынына оң әсерін тигізді.
Мәселен, 2024 жылдың 8 айында АШТӨ 8,3 мың техника сатып алды, бұл 2023 жылдың сәйкес кезеңімен салыстырғанда 55%-ға артық.
Жоғары өнімді заманауи техника егін жинаудыоңтайлы уақытта аяқтауға мүмкіндік береді.
сонымен қатар Министр әкімдіктердің науқанды ұйымдастыру мен бақылаудағы басты рөлін атап өтті. Жергілікті атқарушы органдарға ауыл шаруашылығы өндірушілерімен өзара іс-қимылды күшейту және туындаған мәселелерді жедел шешу тапсырылды.
Кездесу барысында фермерлер егіс және егін жинау жұмыстары барысында оларға елеулі қолдау көрсетілгенін атап өтті. Қаржыландырудың 3,1 есеге ұлғаюы оларға барлық қажетті агротехнологияларды сақтауға және қажетті ресурстарды сатып алуға мүмкіндік берді.
Сондай-ақ, бірқатар өзекті мәселелер айтылып, олар бойынша министр тиісті тапсырмалар берді.
