Қостанай облысының Жер ресурстарын басқару департаменті, ҚР АШМ КУЗР, прокуратура және Жітіқара аудандық ішкі істер органдарымен бірлесіп, жайылымдық жер учаскесіндегі заңсыз алтын өндіру фактісін анықтады.
Тексеру барысында, ЖШС «ауыл шаруашылығы тауар өндірісін жүргізу үшін» мақсатындағы жер учаскесіне құқық алғаны анықталды. Алайда, іс жүзінде учаске топырақты шаю арқылы бағалы металдарды заңсыз өндіру үшін пайдаланылған.
Аумақты қарау кезінде арнайы техника, металл іздегіштер және пайдалы қазбаларды заңсыз өндіру үшін басқа құралдар табылды.
Сонымен қатар, топырақтың құнарлы қабатының жойылу фактісі тіркелді. Департамент 2,6 миллион теңге сомасында айыппұл салды.
ЖШС заңсыз әрекеттер нәтижесінде бұзылған топырақтың құнарлы қабатын қалпына келтіруге міндетті.
