Сапар барысында ауыл шаруашылығы вице-министрі Аманғали Бердалин ауыл шаруашылығы секторының ағымдағы жай-күйімен және мемлекеттік қолдау бағдарламаларының іске асырылуымен танысып, ветеринариялық пункттер, сою алаңдары, шаруа қожалықтары мен фермалар сияқты түрлі ауыл шаруашылығы объектілері мен кәсіпорындарын аралады, деп хабарлайды BasAgro.kz.
Вице-министр мал денсаулығы мен жалпы өнімділікті қамтамасыз ету үшін инспекторлардың тиімді жұмысының маңыздылығын атап өтіп, ветеринариялық пункттердің жұмысына ерекше назар аударылытынын айтты. Ол сондай-ақ осы сектордың қызметін жақсарту бойынша бірқатар ұсыныстар білдірді.
Сонымен қатар Т. Рысқұлов және Мерке аудандарында ауыл шаруашылығы нысандарына барды.
Атап айтқанда, ол «Меркі-Ет» ЖШС шетелге ет экспорты бойынша өңірдегі ірі кәсіпорындардың бірінің базасымен танысып, экспортталатын етке субсидиялар мөлшерін ұлғайту және айналым қаражатына қажетті кредиттеу бойынша комбинат басшысының ұсыныстарын тыңдады.
Өткен жылы кәсіпорын Катар, Дубай, Сауд Арабиясы, Кувейтке 952 тонна ет экспорттады. Өткен жылдың осы кезеңінде кәсіпорын осы елдерге және Ресей Федерациясына экспортты екі есеге арттырды.
«Сыпатай батыр» шекара бекеті ауданында орналасқан ветеринарлық бақылау пунктіне барған вице-министр азық-түлік қауіпсіздігі басым бағыт болып қалатынын атап өтіп, осы пункт арқылы өтетін өнімдерді бақылауды күшейтуді тапсырды. Материалдық-техникалық базаның жай-күйіне, цифрландыру мәселелеріне ерекше назар аударылды.
Сондай-ақ, жұмыс сапары аясында вице-министр Шу-Талас облысаралық балық шаруашылығы бассейндік инспекциясына, «Республикалық эпизоотияға қарсы отряд» РММ облыстық филиалына, ҚР АШМ ВБҚК облыстық аумақтық инспекциясына, ветеринариялық зертханаға барды.
Жамбыл ауданында «Саурамбаев» ЖК форель шаруашылығында болды. Балық шаруашылығын аралау барысында мемлекеттік қолдау мәселелері, сондай-ақ өңірдегі балық саласын одан әрі дамыту мәселелері талқыланды.
«ТаразКожОбувь» ЖШС-де өндірістің толық циклі жолға қойылған.
ЖШС директоры Еркін Әбдібаев зауыттың қуаттылығы айына 300 тоннаға дейін теріні құрайтынын айтты. Өндірісте Қостанай, Алматы облыстарынан шикізат пайдаланылады.
«Өздеріңіз білетіндей, біздің елде тері мен жүнді қайта өңдеу өзекті мәселелердің бірі болып табылады. Қазіргі уақытта Қазақстанда жүн өңдейтін бірнеше кәсіпорын салынуда. Біз оларды жыл соңына дейін іске қосуды жоспарлап отырмыз. Біздің міндетіміз-осы бағытты дамытуға және оларды қолдауға ниетті кәсіпкерлерге көмек көрсету», — деді Аманғали Бердалин.
