Жаңалықтар
Түркістан: Сауранның өнім көлемін арттыру бағытында нақты тапсырмалар берілді
Аудан әкімінің орынбасары Серік Садибаевтың төрағалығымен ауыл шаруашылығы саласы бойынша мәжіліс өткізілді.
Жиналысқа аудан әкімінің кеңесшісі Бекзат Абубакиров, аудандық статистика басқармасы басшысының міндетін атқарушы және мамандары, ауданға қарасты ауылдық округі әкімдері және ауыл шаруашылығы мамандары қатысты.
Мәжілістің күн тәртібінде ауыл шаруашылығы саласы бойынша 2024 жылға жоспарланған жалпы өнім көлеміне қол жеткізу бағытында мәселелер қаралды. Осы бағытта ауылдық округ әкімдерінен жоғарыда аталған мәселелердің орындалу барысы сұралды. Сонымен қатар, жалпы өнім көлемі, агроөнеркәсіп кешенінің негізгі капиталына инвестициялар тарту бағытында жұмыстарды жүргізу тапсырылды.
