Қазақстан Республикасы мен Қытай Халық Республикасы қазақстандық ауыл шаруашылығы өнімдерінің импортын ұлғайтуға келісті
Қытай қазақстандық ауыл шаруашылығы өнімдерін қабылдауды арттыруды көздеп отыр. Тиісті келісімге Үрімжі қаласында Қазақстан мен Қытай теміржол әкімшіліктерінің жұмыс кездесуінің қорытындысы бойынша қол жеткізілді, деп BasAgro.kz хабарлайды ҚТЖ ұлттық компаниясының баспасөз қызметіне сілтеме жасап.
«Қазақстандық делегация «Алашанькоу» станциясының бекітілген аймағында дәнді дақылдар мен өсімдік майларын түсіруге арналған жаңа терминалдың жұмысымен танысты.Кездесу барысында тараптар қазақстандық ауылшаруашылық өнімдерін тасымалдау технологиясы мен қабылдауды ұлғайту мәселелері бойынша келісті», — делінген хабарламада.
Кездесу барысында тараптар шекаралық теміржолдардың 2023 жылғы жұмысын қорытындылады. Екі ел арасындағы жүк тасымалдау көлемі 2022 жылмен салыстырғанда 22 пайызға артып, 28 миллион тоннадан астам рекордтық деңгейге жеткені атап өтілді. Бұл ретте қазақстандық жүк жөнелтушілер экспортқа 12,6 млн тонна жүк жөнелтті, бұл 2022 жылғы деңгейден 35%-ға жоғары. Атап айтқанда, астық жүктерінің экспорты 2 есеге, яғни 2,2 млн тоннаға, ұн және ұн өнімдері – 3 есеге, 600 мың тоннаға, өсімдік майы – 56 пайызға, 180 мың тоннаға дейін өсті.
Келіссөздер нәтижесінде тараптар «Достық-Алашанькоу» шекара өткелінде инфрақұрылымды дамыту жұмыстарын синхрондау туралы келісті. Алдағы 2024 жылға арналған жұмыстарды ескере отырып, жүк тасымалдау көлемін былтырғы деңгейде ұстап тұру туралы келісімге қол жеткізілді.
Сонымен қатар, Тачен қаласында ҚХР Көлік министрлігі Мемлекеттік темір жол басқармасының және ШҰАР Тарбағатай ауданының басшылығымен келіссөздер жүргізілді. Қазақстандық тарап Аягөз-Бақты теміржол желісі мен үшінші шекаралық теміржол өткелінің құрылыс жұмыстары туралы хабардар етті. Қытайлық әріптестер Тачэн – Қазақстанмен мемлекеттік шекара теміржол желісінің құрылысы туралы айтты. Тачен уезінің даму пилоттық аймағында қазір көлік-логистикалық орталық пен қалалық индустриялық аймақтың құрылысы жүріп жатыр.
