С.Сейфуллин атындағы ҚазАТЗУ ЖОО арасында үздік үштікте
С.Сейфуллин атындағы Қазақ агротехникалық зерттеу университеті Қазақстанның жоғары оқу орындарының жалпы рейтингінде өз орнын сақтап қалуда. Университет екінші жыл қатарынан үшінші орынды иеленіп, Әл-Фараби атындағы Қазақ ұлттық университеті мен Л.Гумилев атындағы Еуразия ұлттық университетінен кейін көш бастап келеді.
Басқарма төрағасы және университет ректоры, ҚР ҰҒА академигі Қанат Тіреуовтің айтуынша, бакалавриат, магистратура және докторантураның білім беру бағдарламаларының бағыттары бойынша С.Сейфуллин атындағы ҚазАТЗУ Қазақстан Республикасының 2024 жылғы жоғары оқу орындары арасындағы рейтингінде жоғары сұранысқа ие. Университет оқытушылары А.Д. Мехдиев, С.А. Джатаев пен А.Б. Хабдуллин «Қазақстан Республикасы ЖОО-ның профессорлық-оқытушылық құрамы» жалпы рейтингісінде ТОП-50 сапында.
Университет өкілдерінің айтуынша, бұл жетістіктер С.Сейфуллин атындағы Қазақ агротехникалық зерттеу университетіндегі білім сапасының жоғары екендігін және білім орадасының еліміздің жоғары білім жүйесіндегі маңызды рөлін айқындайды.
