БҚО-да жануарлар арасында құтырудың 5 ошағы анықталды

Батыс Қазақстан облысының үш ауданында құтырма ауруы бойынша эпизоотиялық жағдай қолайсыз, бұл жерлерде инфекцияның зооноздық ошақтары тіркелуде. Облыс аумағында жануарлар арасында құтырудың 5 ошағы анықталды, деп хабарлайды basagro.kz.

Ветеринариялық қызметтің деректері бойынша, 2022 жылы құтыруға 52 зерттеу жүргізілді, оның ішінде 9 жағдайда оң нәтиже анықталды.

Тұрғындар арасында құтыру ауруы тіркелген жоқ. Жалпы облыс бойынша жануардың тістеуінен, тырнауынан және сілекейлеуінен 2214 адам медициналық көмекке жүгінді.

Анықтама:

Құтырма  – жануарлар мен адамдардың табиғи ошақтық ауруы. Бұл — орталық жүйке жүйесінің зақымдалуымен сипатталатын және уақытында екпе алмаса, соңы өліммен аяқталатын ауру.

Құтырманың вирусы адамдарға ауру жануарлар: ит, мысық, түлкі, енот, қасқыр, шиебөрі, жарғанаттан беріледі.