Жаңалықтар

Қазақстанда қант қызылшасының егістік алқаптары ұлғаяды

Қазақстан отандық қант қызылшасымен 10% ғана қамтамасыз етілген. Бұл туралы АШМ аграрлық азық түлік базарларын қайта өңдеу департаментінің басшысы Қанат Жауымбаев мәлімдеді, деп хабарлайды basagro.kz.

«Қазақстанда қант бойынша импортқа тәуелділік жоғары. Еліміз тек 40% – ға өз өндірісіндегі қантпен, кем дегенде 10% – ға отандық қант қызылшасымен қамтамасыз етілген. Біз қанттың 60%  импорттаймыз. Өткен жылы Ресейден қант жеткізумен, экспортына тыйым салумен туындаған проблемалар қант бойынша азық-түлік қауіпсіздігінің барлық проблемаларын ашты», – деді Жамаубаев.

Спикер үкімет 33 тармақтан тұратын қант саласын дамыту жөніндегі кешенді жоспарды қабылдағанын атап өтті. Оның айтуынша, талқылауды, шараларды әзірлеуді талап ететін мәселелер бар.

«Кешенді жоспар шеңберінде егіс алқаптары бөлігінде іс-шаралар көзделген. Бүгінгі таңда қант қызылшасы бойынша егіс алқаптарын 10,1 мың гектардан 16,1 мың гектарға дейін ұлғайту жоспарланған», – деді ол.

Сондай-ақ, ҚҚС-ты төмендету бойынша шаралар қабылданды, қант қамысын әкелу кезінде импорттық бажды нөлдеу көзделген. Қант қызылшасын қант зауыттарына тапсыру үшін субсидиялар килограмына 15 теңгеден 25 теңгеге дейін ұлғайтылды. Жол картасы аясында қант зауыттарын қаржыландыру, атап айтқанда, айналым схемасы бойынша іс-шаралар қарастырылған. Облыс әкімдіктерімен айналым схемасы бойынша қант зауыттарын қаржыландыруға 25 млрд теңге бөлу қарастырылған.

Басқа жаңалықтар

Back to top button