Жаңалықтар

Айдарбек Сапаров Тайланд делегациясымен ауыл шаруашылығы саласындағы ынтымақтастықты нығайту мәселелерін талқылады

22 ақпанда Қазақстан Республикасының Ауыл шаруашылығы министрі Айдарбек Сапаров Тайланд Сыртқы істер министрінің орынбасары Жаккапонг Сангманимен кездесті. Кездесуде тараптар өзара тиімді ынтымақтастықтың келешегін талқылады, деп хабарлайды BasAgro.kz ҚР Ауыл шаруашылығы министрлігіне сілтеме жасап.

Министр Тайланд Корольдігімен ауыл шаруашылығы саласындағы ынтымақтастықтың келешегі зор және екі жаққа да тиімді сала екеніне тоқталды. Бүгінде елдер арасындағы жалпы тауар айналымы 2023 жылы 367 млн ​​долларға жеткен. Оның ішінде ауыл шаруашылығы өнімдерінің тауар айналымы өткен жылы $10,8 млн құрады. Алайда бұл көрсеткіш 2022 жылмен салыстырғанда 30%-ға аз (2022 жылы – $15,4 млн).

Осыны ескерген Айдарбек Сапаров Қазақстан мен Тайланд арасындағы ауыл шаруашылығы өнімдерінің сауда көлемін арттыруды ұсынды. Министрдің айтуынша, 180 млн га жайылымдық жерлердің болуы, жеке мал азығы мен мал шаруашылығына қолжетімділік қазақстандық ет өнімдерін, оның ішінде халал талаптарына жауап беретін өнімдерді арттыруға ықпал етеді.

«Қазақстан сапалы ауыл шаруашылығы өнімдерін өндіру және экспорттау саласында зор әлеуетке ие. Біз ет пен астықты экспорттау үшін серіктестер табуға дайынбыз және сіз олардың жоғары сапасына көз жеткізе аласыз. Сондай-ақ, біз ынтымақтастық туралы меморандумды қарап, жан-жақты талқылауға дайынбыз», – дегенді баса айтты министр.

Өз кезегінде Джаккапонг Сангмани де Тайланд ынтымақтастыққа және өзара жақсы ықпалдастық жағдайында инвестициялар көлемін ұлғайтуға дайын екенін атап өтті. Ол тай тарапы ашық сауда мүмкіндіктерін іске асыру үшін Еуроодақпен келіссөздер жүргізіп жатқанын және бұл мәселеде Қазақстанның да қолдауы қажет екенін айтты. Айдарбек Сапаров тай делегациясынан қолдау көрсетілуі тиіс өнімдер тізімін зерделеуді сұрап және бұл істе министрлік тарапынан шетелдік әріптестеріне жәрдемдесуге әзір екенін білдірді.

Сонымен қатар, Тайланд тарапы қазақстандық ауылшаруашылық тауар өндірушілерін мамыр айында Тайландта өтетін халықаралық сауда көрмесіне қатысуға шақырып, ұйымдастыру мәселелеріне көмектесуге уәде берді.

Сөз соңында Айдарбек Сапаров кездесу екі ел арасындағы ауыл шаруашылығы саласындағы ынтымақтастықты одан әрі нығайта түсетініне сенім білдірді.

Басқа жаңалықтар

Back to top button