«Азық-түлік корпорациясы» Ауыл шаруашылығы өнімдерін форвардтық сатып алу шеңберінде алғашқы төлемдерді жасады
Ағымдағы жылы «Азық-түлік корпорациясы»ҰК» АҚ ауыл шаруашылығы өнімдерін форвардтық сатып алу және мақсатты тауарлық кредит беру шеңберінде көктемгі егіс жұмыстарын жүргізу үшін АӨК субъектілерін қаржыландыруды жүзеге асырады, деп хабарлайды basagro.kz.
Бүгінгі таңда Азық-түлік корпорациясы ауыл шаруашылығы өнімдерін форвардтық сатып алу аясында алғашқы төлемдерді жасады. Ақшалай қаражат әлеуметтік-кәсіпкерлік корпорациялардан, оның ішінде бес қостанайлық шаруа қожалығынан қайтаруға тиісті кепілдіктер берген фермер қожалықтарының шоттарына аударылды.
Ақшалай қаражатты алғашқылардың бірі болып Қостанай облысындағы «Черниговское» ЖШС алды.
Компания директоры Имран Гучигов өзінің сұхбатында қаржылық қаражатты уақтылы және ешқандай бюрократиялық процедураларсыз алғанын атап өтті.
«Биыл мен форвардтық сатып алу аясында қаржыландыруға құжаттарымды қуана тапсырдым, себебі бұл ыңғайлы әрі тиімді құрал. Барлық процедуралар тез және ешқандай кедергісіз өтті. Корпорация қызметкерлері барлық мәселелерді жедел шешті», — деді ол.
Қалған ауыл шаруашылығы тауарын өндірушілерге қаржы қаражатын төлеу процесі екінші деңгейдегі банктерден немесе әлеуметтік-кәсіпкерлік корпорациялардан тиісті кепілдіктер алғаннан кейін жедел тәртіппен жүргізіледі. Биылғы жылы осы мақсаттарға барлығы 20 миллиард теңге бағытталатын болады.
Сонымен қатар, тауарлық кредит беру бағдарламасы шеңберінде 520 мың тоннадан астам ауыл шаруашылығы өнімінің жалпы көлеміне өтінімдер түскенін, оның ішінде 228 мың тоннадан астам ауыл шаруашылығы өнімінің жалпы көлеміне өтінімдер облыстардың үйлестіру кеңестеріне қарауға және бекітуге жіберілгенін атап өтеміз.
АӨК субъектілерін қаржыландыру жалғасуда.
