ҚР АШМ-де құқықтық сауаттылықты арттыруға арналған іс шара өтті
ҚР АШМ-де «Сыбайлас жемқорлыққа қарсы іс-қимыл туралы» Қазақстан Республикасы Заңының нормаларын таныстыруға арналған құқықтық оқыту өткізілді.
Оған орталық аппарат, құрылымдық бөлімшелер, ведомостволық бағынысты ұйымдардың қызметкерлері қатысты.
Іс-шара барысында сыбайлас жемқорлық құқық бұзушылықтардың алдын алу, оларды анықтау, жолын кесу және олардың салдарын жою бағытында мағлұмат берілді.
Сонымен қатар, «Сыбайлас жемқорлыққа қарсы іс-қимыл мәселелері бойынша өзгерістер мен толықтырулар енгізу туралы» Заң талқыланды.
Заңдағы мүдделер қақтығысы, сыбайлас жемқорлыққа қарсы комплаенс-қызметтердің дербестігі, мемлекеттік органдар басшыларының жауапкершілігі, әкімшілік жауапкершілік мерзімі, пара беруге уәде ету, пара ұсыну және пара талап ету үшін қылмыстық жауаптылық, тұрмыстық сыбайлас жемқорлыққа қарсы іс-қимыл, сыбайлас жемқорлыққа қарсы функциялар аражігі сияқты маңызды өзгерістер баяндалды.
Заңға енгізілген өзгерістер сыбайлас жемқорлықтың алдын алу, оған қарсы тұру және қоғамда адалдық пен әділеттілік қағидаттарын нығайту жолында маңызды қадам болмақ.
