Жаңалықтар

Түркістан облысында бидай тиелген вагондар жолдан шығып кетті

Түркістан облысы Манкент стансасында жүк тасымалдаушы пойыз жолдан шығып кетті. Вагондарға бидай тиелген, деп хабарлайды basagro.kz тілшісі.

«8 қаңтар сағат 19:50-де «Шымкент-Арыс» учаскесінің Манкент стансасында жүк пойызы вагондары рельстен шығып кетті. Қаза тапқандар мен зардап шеккендер жоқ. Сонымен қатар аталған оқыс оқиға басқа пойыздардың қозғалысына әсер етпеді», – делінген хабарламада.

Сондай-ақ, ұлттық компания келеңсіздікті жою үшін Шымкент, Арыс стансасынан қосымша пойыздар жөнелтілгенін хабарлады.

Оқиғаның себеп-салдарын «Қазақстан темір жолы» АҚ жанынан арнайы құрылған комиссия анықтайды.

Басқа жаңалықтар

Back to top button